REVIEW FILM WAZIR (2016)

Aku gak perlu ngerinci sopo-sopo sutradara karo pemaine, aku cuma ape cerito sak marine ndelok pilem Wasir. Nek awakmu seneng main skak (catur) weruh opo iku istilae wasir nang dolenane catur. Wis delek ono dewe, nek nyeritakno catur malah engko disangkakno pilem iki nyritakno lomba catur. Sumpah, film iki gak nyritakno lomba catur tingkat RT.

Gak koyok film India biasae.. Wazir mek sitik lagune. Opo maneh nyanyi karo nari ndek ngisore uwit pas udan-udanan. Lah wong Amitabh Bhachchan wis kewut, wis gak kuat njoget sak kaya-kayae koyok biyen. Ndek film iki yo gak duwe sikil, lungguh nek kursi roda ket muncul sampe filme buyar. Durasine ae mung 100 menit, gak dowo. Sing seneng film india koyok biyen, mending gak usah nontok. Tak jamin riko bakalan kenek penyakit wasir alias ambeyen..

Tapi, sing seneng cerito film apik, yo Wazir iki wuaaapik ceritone. Danish Ali (Farhan Akhtar), Polisi Anti Teror sing tepak e ngelencer karo anak lan bojone, mendadak kepethuk teroris. Godak-godakan, tembak-tembakan, sampe pelurune nyasar nang anak e Danish.

DOOORRRR....!!!
Terus anak e mati. Yo mesti mati tah, wong kenek peluru.

Goro-goro anak e mati, Danish dadi stress, tukaran tok karo bojone. Sampe akhire pegatan. Saking stress e, sampe di konkon cuti karo pihak kepolisian. Lak tambah stress tah... bojo gak onok, kerjoan yo gak onok. Akhire timbangane nganggur, Danis main skak. Ketemu karo Panditji Omkarnath (Amitabh Bhachchan) sing jago main catur tapi gak duwe sikil.

Tibak e Panditji iki yo stress mergo anak e mati tibo teko loteng. Panditji iki curiga anak e tibo mergo di jungkrakno karoYazaad Qoreshi. Ketepak an Yazaad iki dadi Mentri. Ojok salah.. MENTRI, dudu Mantri. Lek Mantri iku lak sing tukang suntik iku.

Mendadak Pandit diserang wong gak dikenal, jenenge Wazir. Sik.. sik, jare gak dikenal ?? lah kok weroh jenenge Wazir??? Wes.. gak tak lanjut ceritoe.. Nek aku crito komplit gak asik maneh engko rek nek awakmu ndelok.

Pokok'e crito Wazir iki ngekei pandangan apik soal kudu yok opo nek awak dewe kumpul karo keluarga , dulur sanak kadang. Mbales dendam opo di marino karo wicaksono. Pindone, nek nilai menungso ojok di delok teko "ketok ane apik, ketok ane ngganteng, ketok ane nulung uwong"  Perkoro ketok ane iki iso-iso telolis disangkakno teroris, utowo teroris disangkakno telolis.



Ceritane apik, sing main lakone yo jempol papat (cantengen wis). Tarunge yo wes dudu koyo gaya India tapi gaya Amerika. Wuaaaaaaapiiiiik talaaah!!!

Nek ape ngenteni beninge teko internet yo monggo. Ditontok rame-rame tapi ojok karo sing seneng begejekan, clometan, opo maneh urakan. Rugi tenan!!!

Pilem iki pilem sing patut didelok. Opo maneh sing ngaku seneng Bollywood.

Wis terserah nontok e nang ndi, sak karepmu, sak kayaaakayaaae. Pokok tontok-en, ojok diklamuti. *